蔥仔越南包

Open Now

Now Closed

前幾日想去大角咀食拉麵，點知排到抽筋，驚Youtuber嘅魔力，十分非凡。揸車經過大角咀當然有其他心儀嘅選擇，蔥仔越南包，相對應該最簡單唔使排隊，又夠快。呢間傳說好過渡船街全港最佳越南包嘅小店深受好多朋友嘅愛戴，幸好今日唔使點排隊就食到。以多種唔同嘅配料如札肉、烤豬肉、酸蘿蔔、甘筍，醬料方面有芫荽、青蔥、辣椒、肝醬、蛋黃醬等，較特別嘅配料就有豬肉鬆，痛之前詩歌嘅好似有少少分別，但係最重要最出色係嗰個脆到一個點嘅法包。三十元半件，五十一件，冇理由唔食一件，印象中好似平過渡船街。可惜當日有下一站，所以冇加到佢嘅湯品餐同埋其他野食，下次一定有機會再會。當然如果你喺呢度食得唔夠飽，附近仲有大把好嘅選擇。