梅光軒 (杏花新城) (Closed)

每年都會去北海道旅行, 每次番香港之前都會去機場拉麵街食碗拉麵先番香港, 近幾年都一定會揀梅光軒, 今日帶阿囡去杏花村參加佢既同學仔生日PARTY, 之後去商場買波鞋, 換泊車優惠諗住離開, 突然見到一間好吸引既店, 再望招牌原來係梅光軒, 就好自然入去食碗拉麵先走, 香港店選擇比新千歲機場店多, 但經店員介紹下, 就點了蝦魂一試, 因為做緊PROMOTE有甜品或餃子送, 蝦魂一碗要$98, 比日本食還貴, 但係現今香港食到一碗有質素拉麵$98都可以接受, 先講湯底, 好濃味既蝦湯, 但一點都不油膩, 真係食到用好多好多蝦去餚出黎, 香港梅光軒既拉麵同日本都好似一樣, 曲麵, 夠彈牙, 掛湯, 配料好豐富, 有2隻大蝦, 開左邊, 唔駛整污糟手, 店員又好細心比定隻碟放蝦殼, 值得一讚, 仲有索晒蝦湯既芽菜, 蛋, 叉燒, 紫菜, 好滿足!總括黎講, 香港梅光軒同日本梅光軒一樣, 好高質素, 原本一年只有一次機會食日本拉麵, 但現在隨時都可以揸車去杏花村頂當先