Video
Read full review
2021-05-14
458 views
臨近母親節，諗住帶從來未食過omakase嘅呀媽好好咁慶祝一下。點知換來一餐三千幾蚊不知所謂，極度失望嘅晚餐體驗！從來冇寫過食評嘅我都忍唔住要帶一篇文，可恨嘅係我唔可以留多幾個負皮🤬！我哋係第二枱客人到達，師傅第一時間就整咗一粒Wasabi，侍應就斟咗啲豉油俾我哋先。呢個位其實我已經有啲疑惑，因為之前食開嘅omakase不嬲已經係飯團調晒味🤔但係接下來嗰幾個菜式完美解釋咗點解要自行調味。。。我阿媽不嬲都已經食得清淡，但呢間餐廳嘅菜式係冇味，係完全冇味呀🤯！呢個時候已經開始有啲失望，但接住落嚟嘅事簡直令我哋心情跌落谷底🥲。坐低食咗30-45分鐘後，又入咗一台客，都係由我哋師傅負責。呢個時候我哋已經食咗幾個菜式，師傅一心不能二用，完全掌握唔到出菜式嘅時間。佢不斷出菜俾新客，而我哋食完一碟就要等成15-20分鐘先可以有下一碟食！諷刺嘅係，因為有一枱客生日所以不斷請各位師傅飲酒。咁師傅呢就不斷行嚟行去，呢頭飲下酒~嗰頭整吓嘢食比新客~雲遊完太空之後先記得整件壽司俾我哋食🙂！隔離遲過我哋到嘅另一枱客，食嘅速度早已超越我哋！隔咗半個世紀之後，我哋同新客嘅出菜進度終於一致，但呢個時候食龍肉都冇味啦！
我哋係第二枱客人到達，師傅第一時間就整咗一粒Wasabi，侍應就斟咗啲豉油俾我哋先。呢個位其實我已經有啲疑惑，因為之前食開嘅omakase不嬲已經係飯團調晒味🤔但係接下來嗰幾個菜式完美解釋咗點解要自行調味。。。我阿媽不嬲都已經食得清淡，但呢間餐廳嘅菜式係冇味，係完全冇味呀🤯！
呢個時候已經開始有啲失望，但接住落嚟嘅事簡直令我哋心情跌落谷底🥲。坐低食咗30-45分鐘後，又入咗一台客，都係由我哋師傅負責。呢個時候我哋已經食咗幾個菜式，師傅一心不能二用，完全掌握唔到出菜式嘅時間。佢不斷出菜俾新客，而我哋食完一碟就要等成15-20分鐘先可以有下一碟食！
諷刺嘅係，因為有一枱客生日所以不斷請各位師傅飲酒。咁師傅呢就不斷行嚟行去，呢頭飲下酒~嗰頭整吓嘢食比新客~雲遊完太空之後先記得整件壽司俾我哋食🙂！隔離遲過我哋到嘅另一枱客，食嘅速度早已超越我哋！隔咗半個世紀之後，我哋同新客嘅出菜進度終於一致，但呢個時候食龍肉都冇味啦！師傅仲好幽默咁問我哋會唔會太飽。。。🙃你試吓食一粒壽司，再隔返三個字先食下一粒壽司，唔講以為我食緊減肥餐呀！題外話: 另外一位師傅不斷除口罩飲酒，飲都算但係佢手都冇洗就開始整嘢食，非常時期係咪都應該注意一下衛生呢？？？🤮
如是者我哋食咗將近三個鐘，一心想快啲結束呢個一個地獄體驗。但呢個時候成餐飯進入咗高潮，亦都係最荒謬離譜嘅位。就係因為夜晚10點堂食限聚令，所以我哋俾人趕呀，飯都未食完嫁大佬，俾人趕出門口呀🤯！眼見隔離枱客食多我哋幾件壽司，條氣真係好唔順！
成餐飯真係好不可思議地荒謬，最荒謬嘅係俾咗咁貴嘅價錢一心諗住好好慶祝母親節，換來嘅係食到一肚氣！越寫越嬲，餐飯嘅體驗仲係歷歷在目🤬。成間餐廳不論係食物，服務定師傅質素都完全不值得一提👎🏻！
Post
