Video
Read full review
2012-10-22
29 views
去到新世紀想食一間西餐，揀左Apple Green，叫左個什菌沙律($58)，什菌係熱既，同D沙律凍凍地混埋既感覺幾好，沙律跟一塊香蕉蛋糕，都幾軟熟，又夠香蕉味，不過你要同佢地講先會加比你嫁~另叫左個大蜆意粉加大蝦，& 夏威夷安格斯肉眼牛扒，先講大蜆意粉加大蝦 ($102+$26): 一食隻蜆，嘩! 好多沙呀，完全食唔到~ 以為係果隻問題啦，試多隻，都係一樣! 所以叫WAITRESS 同我地換過碟，結果佢問左師傅可能呢一批有問題，叫我地轉過第二款我同女朋友問返個職員，有咩好介紹，佢介紹左個 明太子意粉加大蝦 ($102+$26 = $128)~竟然係意粉先黎，呢D 咪就係遲黎先上岸?! XD 明太子意粉加大蝦: 2個字，難食>.< 因為當明太子加左沙律醬撈埋D意粉，個感覺好怪好核突，成條唔知係咩咁，溫度暖暖地又有少少凍又同時酸酸地，大家有冇似曾相識? 好似暈完浪之後……唔講= = 結果我呢個咁中意食意粉既人都只可以食到兩啖…莫講話我女朋友，佢食左一啖即刻吐返出黎…到走時，好似成碟未食過咁，可能係我地食唔慣啦~夏威夷安格斯肉眼扒($258): 原來個名咁得意，初頭我地都好
另叫左個大蜆意粉加大蝦，& 夏威夷安格斯肉眼牛扒，
先講大蜆意粉加大蝦 ($102+$26): 一食隻蜆，嘩! 好多沙呀，完全食唔到~ 以為係果隻問題啦，試多隻，都係一樣! 所以叫WAITRESS 同我地換過碟，結果佢問左師傅可能呢一批有問題，叫我地轉過第二款
我同女朋友問返個職員，有咩好介紹，佢介紹左個 明太子意粉加大蝦 ($102+$26 = $128)~
竟然係意粉先黎，呢D 咪就係遲黎先上岸?! XD
明太子意粉加大蝦: 2個字，難食>.< 因為當明太子加左沙律醬撈埋D意粉，個感覺好怪好核突，成條唔知係咩咁，溫度暖暖地又有少少凍又同時酸酸地，大家有冇似曾相識? 好似暈完浪之後……唔講= = 結果我呢個咁中意食意粉既人都只可以食到兩啖…莫講話我女朋友，佢食左一啖即刻吐返出黎…到走時，好似成碟未食過咁，可能係我地食唔慣啦~
夏威夷安格斯肉眼扒($258): 原來個名咁得意，初頭我地都好大期望，但結果係失望既，因為夏威夷只係多左兩楷波蘿…而唔係有啲特別既汁醬>.< 而牛扒雖然話係安格斯，但卻食唔出任何Juicy，因為我係叫5成，可能師傅煎過左火，浪費左安格斯應有既鮮嫩感，坦白講，安格斯牛扒係非常容易煎既…如果咁都會失手，個師傅真係要檢討一下~
總結，可能下次我只會黎食沙律，晚餐就唔洗預我啦~
Post