金萊餐廳 (Closed)

知道係茶記級數 ( 有喇沙同燒味食)， 對食物同服務都冇咩期望， 但係啲服務差到不得了， 好似完全唔想做生意咁。 落咗單,遲成15分鐘都未到， 追問佢，跟住話我冇落單。 一位年青員工同我落返單，啲態度同語氣非常之差， 黑口黑面， 服務態度仲差過澳牛，食完同經理投訴， 佢竟然話 "我都冇辦法"。 雖然係茶幾級數， 但我諗最少要對客人有基本禮貌， 但我喺呢間店完全睇唔到, 麥當勞都畀佢好十倍， 香港飲食業競爭咁激烈，真係要祝間店好運。