Video
Read full review
2020-01-22
8836 views
上一次嚟係六年幾前，嗰次印象唔係咁好，今次嚟真係唔同晒。食物質素唔錯，Refill得快，座位亦編排得好，職員勤力又有禮貌，雖然全場爆滿，但所有客人都好斯文，openrice coupon有全單75折優惠，優錢Ok。即開生蠔，密密手開，又快手，蠔肉新鮮又多肉，鹹淡適中。龍蝦部份有膏，啲膏唔實，肉質彈牙，蝦都新鮮。蟹腳多肉但有啲淡，青口都係無咩味。刺身都好新鮮，係甜蝦肉唔係咁新鮮，肉質有啲碎，最出色係帶子，鮮甜又大片。壽司都好味，雖然唔係細細件，除咗上面嘅肉外連壽司飯都做得好好。天婦羅炸漿幾薄脆，係蝦好幼好細，好似食唔到肉咁。卡邦尼長通粉同糯米飯都可以。片皮鴨切好自取，唔需要排隊，蒸元貝嘅肉有啲細，不過上面嘅粉絲好味。羊腩煲肉多過配料無欺場，不過一係太肥，一係就有啲鞋。燒牛肉同雞肉都幾嫩。一開始先有嘅煎三文魚好味，唔乾唔鞋，之後就得返煎朧脷柳。羊架有啲瘦同熟咗啲，有少少鞋。牛仔骨無特別，我拎嘅時候咁啱係得返呢啲細細件，之後見有啲多肉好多。三款湯都做得好好：螺頭圓肉杞子雞肉瘦肉燉花膠湯湯全晚最受歡迎，無停過不斷有人攞，非常足料，湯清澈又夠味。白菌蘑菇忌廉湯，啖啖都食到蘑菇茸，一啲都唔稀。野葛
即開生蠔，密密手開，又快手，蠔肉新鮮又多肉，鹹淡適中。
龍蝦部份有膏，啲膏唔實，肉質彈牙，蝦都新鮮。
蟹腳多肉但有啲淡，青口都係無咩味。
刺身都好新鮮，係甜蝦肉唔係咁新鮮，肉質有啲碎，最出色係帶子，鮮甜又大片。
壽司都好味，雖然唔係細細件，除咗上面嘅肉外連壽司飯都做得好好。
天婦羅炸漿幾薄脆，係蝦好幼好細，好似食唔到肉咁。
卡邦尼長通粉同糯米飯都可以。
片皮鴨切好自取，唔需要排隊，
蒸元貝嘅肉有啲細，不過上面嘅粉絲好味。
羊腩煲肉多過配料無欺場，不過一係太肥，一係就有啲鞋。
燒牛肉同雞肉都幾嫩。
一開始先有嘅煎三文魚好味，唔乾唔鞋，之後就得返煎朧脷柳。
羊架有啲瘦同熟咗啲，有少少鞋。
牛仔骨無特別，我拎嘅時候咁啱係得返呢啲細細件，之後見有啲多肉好多。
三款湯都做得好好：
螺頭圓肉杞子雞肉瘦肉燉花膠湯湯全晚最受歡迎，無停過不斷有人攞，非常足料，湯清澈又夠味。
白菌蘑菇忌廉湯，啖啖都食到蘑菇茸，一啲都唔稀。
野葛菜紅蘿蔔羅漢果煲生魚湯，下火又好飲，有半煲都係湯料。
甜品亦令我驚喜，好多都好足料，蛋糕好鬆軟，唔會太甜令你食到唔想食，件件都好精緻，食得出用心製作。
麵包布甸，百合紅豆沙正常，豆腐花算做得幾滑。
任食Haagen-Dazs雪糕有三款選擇。
熱飲有咖啡，茶，熱朱古力。
Post
