一生懸麵 (荃灣千色匯I) (Closed)

難得到荃灣，就試一試一生懸麵，本來想試下佢的雪糕拉麵，點知已經冇左lu。咁就試下佢個白湯豚骨拉麵。以為係普通野，一試就知唔普通啦。首先講下個湯先，好濃好香豬骨味同好夠熱，但不口渴。平時唔好飲湯同怕拉麵湯底好鹹的我，都忍唔住飲左大半碗。豚肉係好大塊厚切的，好鬆軟。少咸，好似食緊燒肉咁。麵質正常。整體黎講係一碗正宗的日本拉麵，係可以吸引人番轉頭再幫襯的拉麵店。我就一定會帶朋友再幫襯試下其他不同口味的拉麵。