Video
Read full review
2015-12-18
10069 views
「香港地小人多」對大部份人黎講一D都唔會陌生。喺地產霸權、地價貴到驚人情況之下，香港不知不覺「發明」左好多新產物，好似乜野「限時九十分鐘交枱」既concept喺外國人眼中簡直係不可思議！所謂一分錢一分貨，有時候為左想坐得耐D、坐得舒服D，唔想同隔離枱既陌生人只係相隔一條小小既空隙，但代價往往就係要付出天價去食一D嚴重overprice既食物！除左「食得招積」之外，出名精打細算既香港人亦都唔係羊牯，就算afford得到但往往都好着重「性價比」，好似位於尖沙咀既九龍Shangri-La就係一個好例子。一開始我以為呢間位於五星級酒店閣樓既餐廳一定貴到乜咁，但原來價錢比我想像中合理得多，所以決定喺慶祝紀念日呢個咁特別既日子去試一試是龍定是蟲！Raw Sicilian red prawns, avocado, green apple and yogurt sauce ($280)︰由牛油果打造而成既「表皮」，包裹著由紅蝦、青蘋果以及乳酪汁一齊攪拌而成既餡料。可能因為用左水果同奶類制品撈埋一齊，呢個好似日本壽司既卷物整體感覺「酸味味」咁，十分開胃醒神，非常適合果D鍾意喺main course前食一
除左「食得招積」之外，出名精打細算既香港人亦都唔係羊牯，就算afford得到但往往都好着重「性價比」，好似位於尖沙咀既九龍Shangri-La就係一個好例子。一開始我以為呢間位於五星級酒店閣樓既餐廳一定貴到乜咁，但原來價錢比我想像中合理得多，所以決定喺慶祝紀念日呢個咁特別既日子去試一試是龍定是蟲！
Raw Sicilian red prawns, avocado, green apple and yogurt sauce ($280)︰由牛油果打造而成既「表皮」，包裹著由紅蝦、青蘋果以及乳酪汁一齊攪拌而成既餡料。可能因為用左水果同奶類制品撈埋一齊，呢個好似日本壽司既卷物整體感覺「酸味味」咁，十分開胃醒神，非常適合果D鍾意喺main course前食一D無咁濃味既食物既朋友！
意大利西西里紅蝦刺身伴牛油果、青蘋果及乳酪汁
$280
244 views
1 likes
0 comments
另外，值得一提既係食物溫度控制得非常之好，廚師喺計算食物上枱時既溫度時必定非常仔細，所以即使海鮮吸收左麵既熱力之後佢地仍然係熱辣辣，抵讚！
自家製意大利黑白幼麵伴帶子、大蝦及紅蝦
$340
227 views
0 likes
0 comments
另一方面，碟既底部亦都放左幾滴espresso同埋少少mustard，所以鍾意食濃味食物既朋友都唔需要擔心。除此之外，鵝肝既取材令到佢非常香口，只可惜「強敵當前」，相對咁特別既豬柳令佢感覺相對平淡！
咖啡醃製豬柳伴芥末醬及鵝肝
$460
169 views
2 likes
0 comments
呢個tiramisu一D「意大利芝士餅」既影子都冇。鋪滿朱古力粉既cream下面放左一塊深黑色、帶點espresso味道既啫喱，旁邊亦放左tiramisu味既自家製雪糕。雖然，呢個tiramisu同平時食開既感覺非常唔同，但細看之下原來平時tiramisu所需要既所有材料呢度全部都齊晒，非常有特色絕對係必試之選！
自家製意大利芝士餅
$98
164 views
0 likes
0 comments
意式奶凍伴蛋白餅碎、朱古力及乾紅桑莓
$98
140 views
1 likes
0 comments
總括黎講，作為著名星級酒店裏面既一份子，呢度既整體服務水準完全「到位」。仲記得喺網上訂枱既時候只係輕輕帶過「quiet corner」既request，點知佢專登幫我地交排一張圓枱喺餐廳既角落，等我地兩個都可以望住維港夜景記住呢個難忘既記念日。不過，如果佢可以喺食飯之前再打電話俾我confirm booking咁就更加好喇！
Post
