究極堂 (永光中心)

Open Now

Now Closed

喺銅鑼灣嘅樓上舖發現到間正野，食物水準好高！先叫咗碗究極炎之丼比自己獨自享用，唔建議share, 因為真係太好食！入面有大大粒嘅帆立貝，油甘魚蝦，左口魚等等，輕輕炙燒下個感覺真係唔同哂，材料新鮮，大滿足！男友人都唔輸蝕獨自食咗個蟹皇丼，有成座山嘅蟹肉，蟹籽嘅香葱，個蟹皇汁好creamy, 好出色！除咗丼飯，啲小食都唔錯！京蔥地雞配芝士忌廉汁，有啲似韓國炸雞但又配西式嘅芝士忌廉汁，出奇地好食！薯條仲可以點埋個汁食！鰻魚芝士玉子燒，玉子燒得好juicy, 有半生熟嘅口感！粟米天婦羅，幾特別，愛粟米之人可以試！海膽右口魚邊蝦卷，右口魚口感超油，配海膽一齊食好好味！！一人一杯抹茶牛奶，香濃抹茶+香滑牛奶！