Alzina Spanish Asador (Closed)

一個非常之識食嘅朋友，經常同佢周圍食好嘢，今日佢介紹一間不能錯過的西班牙餐廳，位置又方便，係尖沙咀地鐵站附近，而且餐廳環境舒適，背景音樂舒服，店員亦都非常之有禮熱情，完全配合到西班牙嘅風格，朋友話食物一樣好友西班牙風，尤其黑毛豬，一定要點！　特選黑毛豬柳拼盤呢一個拼盤一共有三款黑毛豬：presa, pluma, secreto ，每一款都各有特色，各有唔同嘅味道，侍應介紹，黑毛豬由左至右去食，左面豬味比右面嘅黑毛豬冇咁濃，但左面比較嫩滑，右面比較實，如果要點黑毛豬，一定要點呢一個拼盤，試晒所有唔同款式！香煎西班牙蛋餅伴辣椒洋蔥呢個西班牙蛋非常之特別，煎蛋煎到好厚，入面加左洋蔥同辣椒，淡淡嘅洋蔥味，再加上少少辣味，味道淡淡地，幾好食！朋友一向都冇介紹錯，今次亦都唔例外，呢一間西班牙餐廳認真不錯！