Video
Read full review
2019-12-04
9901 views
一早book 咗星期六食自助餐午餐，開始時間係11:30。去到早咗15分鐘，咁試吓可唔可以入座等啦，點知餐廳接待小姐好冇禮貌咁話未夠鐘就冇下聞，望都唔望你一眼。咁好啦咪喺lobby 坐陣等啦。夠鐘時再去餐廳口諗住等安排入座，嗰刻已經好多人聚集，餐廳接待小姐們完全冇理會更加冇安排入坐，擾攘5至10分鐘，終於有人問佢哋兩位小姐，佢哋兩位先黑住面開金口問啲人有冇訂位，因為咁餐廳口等入座嘅客人成堆咁湧入去！相當混亂。安排咗一個比較近攞食物嘅梳化位，梳化坐落去好低，食嘢時攪到好唔舒服。問心環境係幾好，當日入座率7成，枱與枱之間距離一般。食物種類唔算太多，冷盤食物都有生蠔！不過質素差到貼地，瘦到冇肉食，而且開生蠔位師兄又係黑口黑面，每次每人攞3隻。我咁鍾意食生蠔都係攞2次，都唔知食咗啲咩。龍蝦冇甜味，一咬落去成陣雪水味，我咬咗一啖就放棄。牛扒靱同多筋，片皮鴨（冇試，目測鴨片皺同好似漏氣咁，唔似脆）冇燒羊架，不過有咖喱羊架，肉同汁味道可以，不過一塊羊架大半以上嘅份量係肥膏。刺生同壽司款式都幾靚，至少吞拿魚唔錯嘅。其他我有食過嘅食物有：-越南湯粉，湯頭比較淡。鵝肝供應量足夠，同食落脆面心軟，鵝肝味唔太
安排咗一個比較近攞食物嘅梳化位，梳化坐落去好低，食嘢時攪到好唔舒服。問心環境係幾好，當日入座率7成，枱與枱之間距離一般。
食物種類唔算太多，冷盤食物都有生蠔！不過質素差到貼地，瘦到冇肉食，而且開生蠔位師兄又係黑口黑面，每次每人攞3隻。我咁鍾意食生蠔都係攞2次，都唔知食咗啲咩。
龍蝦冇甜味，一咬落去成陣雪水味，我咬咗一啖就放棄。
牛扒靱同多筋，片皮鴨（冇試，目測鴨片皺同好似漏氣咁，唔似脆）
冇燒羊架，不過有咖喱羊架，肉同汁味道可以，不過一塊羊架大半以上嘅份量係肥膏。
刺生同壽司款式都幾靚，至少吞拿魚唔錯嘅。
其他我有食過嘅食物有：-
越南湯粉，湯頭比較淡。
鵝肝供應量足夠，同食落脆面心軟，鵝肝味唔太濃。
黑松露炒蛋，即炒，可以選擇嘅配料有蕃茄粒、芝士粒同青椒粒。蛋醬炒出嚟嘅蛋加烹調時間掌握得幾好，食落香滑，黑松露味道適中。
調味嘅沙律選擇都算多，沙律菜有羽衣甘藍。
有sparking wine 同 一款味似利賓立但係甜到爆嘅 vodka cocktails。
總括嚟講其實食物一般，環境都算舒適，服務就......
生蠔
156 views
1 likes
0 comments
生蠔
146 views
1 likes
0 comments
冷盤海鮮
103 views
0 likes
0 comments
Post
