味道樂居酒屋 (元州街) (Closed)

成日覺得長沙灣荔枝角一帶冇乜日本餐廳，原來都有啲居酒屋。 裝修都有啲日本嘅味道！今晚食咗幾樣嘢，都幾豐富。本身有二人餐其實更加抵食，不過唔想食咁多澱粉質，一於散叫。火炙三文魚牛油果卷都幾好味，三文魚夠肥美，火炙咗之後迫晒啲魚油出嚟雞皮餃子必食推介，脆卜卜嘅雞皮好味道，邪惡但好鍾意食😂串燒選擇多多，明太子玉子燒我哋覺得幾好味。燒雞頸肉好好食，雞頸肉肉質爽口啲，比一般雞肉更加好食。明太子雞翼炸得香脆，送酒一流👍最後食埋芝士年糕，飽飽的。