廣東茶居 (Closed)

不時都會在這這商場食野，總不會想到這裡，係早陣子見到這裡的食評，是日尖沙咀閒遊，就黎試試。兩個人，唔食得多，二個餸，一個麵，已經夠哂飽。冰梅烤小骨，見好幾枱都有叫，應該都係唔錯，甜甜地，脆脆地，都幾好味。雞煲，雞就正正常常，尚算嫩滑，好的係果幾舊豬潤，夠粉嫩，好食。炒麵，幾油身，不過麵本身不錯，加上炒得幾有鑊氣，其實都幾唔錯的。紅豆冰，唔係一堆椰汁果隻，水靠果球波狀冰，很吸引的。紅豆唔係蓉哂，甜度適中，很吸引的紅豆冰。估唔到這裡的水準咁不錯，係可以再回頭的地方。