摩芽雞蛋仔

Open Now

Now Closed

今日揸車去太子掃街，有啲肚餓諗住同先生一人一個雞蛋仔當下午茶😋😋途經呢間雞蛋仔，其實見佢已經開咗好多年，之前好似風靡過一時，不過一直都未食過。今日終於有機會試吓啦，星期日都冇咩人。叫咗一個紫菜肉鬆雞蛋仔，一個奶黃雞蛋仔首先講吓紫菜肉鬆雞蛋仔，味道都可以的，鹹鹹地，不過略嫌餡料唔夠多。另外奶黃雞蛋仔都幾特別，唔會太甜。總結而言，呢間雞蛋仔食完冇咩驚喜，感覺不過不失，始終都成$30一個雞蛋仔，我期望餡料可以再多少少。