十字冰室 (The Argyle)

Open Now

Now Closed

最近突然好想去澳牛食茶記野不過又唔想好趕咁食完走，突然就醒起十字牌牛奶開嘅冰室，諗住sell嘅嘢應該都差唔多掛，一於走去試下。一開始叫咗個火腿爆蛋菠蘿包（完全唔係主打）但黎到一啖咬落去啲蛋黃係嘴角流哂出來，食到踢哂腳但又好爽，菠蘿包嘅甜同蛋味原來幾夾。第一次黎到呢度試食唔試佢地啲奶制品又好似唔應境，跟住就畀menu上面白雪公主呢個名吸引咗，係十字奶雪糕溝雪碧！上到枱就自己倒雪碧落去啲雪糕，係咁爆泡食落口感係好過癮！最後忍唔住嗌咗碟椒鹽燒賣收尾，三樣嘢入面最普通果樣。燒賣同d汁好似分開哂咁，唔入味。但整體來講都幾好，可以再返兜！