91
48
21
Level1
1
0
不過不失
2008-08-02 4 views
上個禮拜我同家人起尖沙咀間反斗城行到攰, 見到平時我買開麵包0個間原來呢度有埋cafe, 睇落環境都唔錯, 又無附近d餐廳咁貴, 就走入去試下.我地叫左個麵包咖喱雞套餐同一客海鮮沙律. 個套餐有湯有包同甜品, 最好係佢d麵包係無限量供應! 個侍應仲話個海鮮沙律都可以加錢跟湯, 包籃同飲品. 我地order無幾耐湯同包就黎啦. 個雜菜湯味道就濃左少少, 不過都幾好飲. 可能0個時唔係好多客, 我地個湯未飲完, 包都未開始食個主菜就黎啦. 個麵包咖喱雞個賣相好吸引, 可惜無帶相機... 好少起西餐廳會有得食. 至於味道方面, d咖喱就略嫌淡同埋份量少左d, 如果可以多個白飯就好啦~ 個海鮮沙律賣相就無個咖喱雞咁吸引, 不過份量又比我相像中多喎~ 佢個沙律底係類似凱撒沙律咁, 上面加左2隻青口, 2隻蝦同2件魚. 個沙律味道都還可以, 但海鮮就無乜味. 飲品方面, 我地揀左蒸餾咖啡, 因為見到好得意~ 個侍應仲會拎埋個玻璃咖啡壺埋黎先斟比你. 咖啡味道濃郁, 唔錯~ 我地仲叫左個兒童餐既甜品比小朋友. 賣相都幾趣緻!總括黎講, 都係d麵包最有水準, 而咖啡亦係麵包之外最好既選擇~ 其他食物都
Read full review
上個禮拜我同家人起尖沙咀間反斗城行到攰, 見到平時我買開麵包0個間原來呢度有埋cafe, 睇落環境都唔錯, 又無附近d餐廳咁貴, 就走入去試下.

我地叫左個麵包咖喱雞套餐同一客海鮮沙律. 個套餐有湯有包同甜品, 最好係佢d麵包係無限量供應! 個侍應仲話個海鮮沙律都可以加錢跟湯, 包籃同飲品. 我地order無幾耐湯同包就黎啦. 個雜菜湯味道就濃左少少, 不過都幾好飲. 可能0個時唔係好多客, 我地個湯未飲完, 包都未開始食個主菜就黎啦. 個麵包咖喱雞個賣相好吸引, 可惜無帶相機... 好少起西餐廳會有得食. 至於味道方面, d咖喱就略嫌淡同埋份量少左d, 如果可以多個白飯就好啦~ 個海鮮沙律賣相就無個咖喱雞咁吸引, 不過份量又比我相像中多喎~ 佢個沙律底係類似凱撒沙律咁, 上面加左2隻青口, 2隻蝦同2件魚. 個沙律味道都還可以, 但海鮮就無乜味. 飲品方面, 我地揀左蒸餾咖啡, 因為見到好得意~ 個侍應仲會拎埋個玻璃咖啡壺埋黎先斟比你. 咖啡味道濃郁, 唔錯~ 我地仲叫左個兒童餐既甜品比小朋友. 賣相都幾趣緻!

總括黎講, 都係d麵包最有水準, 而咖啡亦係麵包之外最好既選擇~ 其他食物都還可以. 起尖沙咀區食個晚飯黎計, 有咁既舒適環境, 價錢又唔太貴, 可以值得一試~ 都唔係之前d食評講得咁差, 有乜理由其中一碟有問題就成張單free比你? 不過我都認為呢間餐廳既服務同食物品質方面仍可改進.
(The above review is the personal opinion of a user which does not represent OpenRice's point of view.)
  • Recommend
    Recommended
  • Report
Post
DETAILED RATING
Taste
Decor
Service
Hygiene
Value
Spending Per Head
$120 (Dinner)
Recommended Dishes
  • 麵包咖喱雞