Nunu燒 (Moved) New Location

又有人請食lunch嘅日子，真係好，而且唔使我揀佢食咩佢帶埋我去。咁今日喺中環就去咗一間日式鋪頭NuNu，食日式午餐。間鋪頭好細好細擺咗兩三張枱咁同埋有啲吧枱，咁我哋就坐係吧枱嗰度。我就叫咗個雙重芝士火焰咖哩牛肉飯。芝士鋪滿晒成個飯，如果鍾意食芝士嘅人，呢個係天堂，只是經過火槍燒過，所以有啲溶化。但係就要趁快手食因為佢冷氣都幾足，所以啲芝士好快又會凝固返。 咖喱牛肉就一般啦，牛肉好光㗎呢都唔係太特別好普通嘅日式咖喱，啲飯就有啲濕，如果乾啲就好啦。另外就叫左支可樂，食完啲肥膩野隊番支可樂滿足晒。價錢來講都算係偏貴，可能因為地段嘅關係，食物就可圈可點但係就容納唔到太多人去食啦。