好叉好味 (禧利街)

Open Now

Now Closed

見好多同事都有買黎食，又講到好好食咁，試下係咪真係咁好食，覺得可以揀菜飯又幾好。12:50係openrice落單都要1:20先有得拎，可能太多人order??叫左焦香叉燒飯，一打開見到隻蛋真係好吸引, 又好香, 急不及待想食了。蛋黃撈飯真係去到邊都無得輸，跟住試下D叉燒喇，有肥肉果D當然香啲，但瘦肉果啲都唔鞋口同痴牙，同埋份量都幾多下。但如果以味道黎講，我就覺得普通喇，偏咸，食左一半左右已經膩，係咁飲水都仲係膩食到中後期會有唔想食嘅感覺了，太膩了，唔知係咪失左手? 但同事們明明個個都讚不絕口，應該會比多次機會佢下次試柚子味，希望無咁咸啦。