譽居

Open Now

Now Closed

該店已在商場開業多年。是日同個老友幫襯下午茶。嚟到門口已經見倒有個大牌介紹下午茶內容。入面嘅裝修都幾切合佢個名，屬於新派懷舊茶居風格，有卡位同散枱提供，我地揾左個卡位坐，都幾舒服嘅。睇吓個餐牌，都有多類出品可選擇。粥嘅賣相一般，用匙羹撥開d粥，見倒d料。咸瘦肉配皮蛋，食落都OK，粥都算棉嘅。油條唔係即炸，欠左少少應有風味。雲吞麵麵質都爽嘅，配雲吞三粒，製作都算堅實有口感。所謂陳皮牛肉腸就唔多得喇，主要因為唔係即製而係番蒸，冇晒腸粉嘅柔軟度，腸皮變厚且熱度不足，亦唔覺有陳皮味。該店下午茶以28蚊嘅雲吞麵做主角，看似廉宜，但如果祗係幫襯食雲吞麵，因為要俾茶錢同加一，埋單要成37蚊，以下午茶嚟計，一d都唔平囉。至於是日食嗰d其他嘢，質量祇係一般，腸粉就唔多合格添。