大快活 (Closed)

今日係葵芳呢邊番工，跟住見費事搵野食，就去大快活食飯咁。事實上我都真係好耐無去過大快活食飯，一去到即刻叫左個咖哩牛腩飯，再加檸檬茶同埋湯。個咖哩牛腩飯食落比以前好似差左咁，而家食落好辣，啲牛腩好鬆散，不過好彩佢飯嘅份量好足，雖然有頭先講嘅問題，但係點都好，食完實會飽肚。另外杯檸檬茶就好甜，早知叫小甜喇！ 最後碗湯我覺得都算係亮點，喝落係喝得出呢碗湯唔係味精湯，而且都幾足料，仲要幾鮮甜。所以其實大快活都算係lunch嘅好去處，得閒食下都係會有驚喜。。。