錫蘭 (白加士街)

Open Now

Now Closed

落雨天，心情已經麻麻。工作關係出現係佐敦，諗住係廟街附近食翻啲好野，點知都幾失望，餐廳未開或者就係唔岩食。諗住離開佐敦時候見到呢間錫蘭，見入面裝修都幾好，好醜一餐，一於入去試下。入到去坐低，唔理咁多一見到個鐵板牛扒餐諗都唔諗就點左，再跟左個意粉，最後尾我後悔左，因為份量真係十分之大，食到一半意粉都未食已經飽左。我朋友叫左個咖喱牛腩飯，份量岩岩好，我自己都試左一兩啖，真係幾好食 但如果辣少少會好啲。飲品方面不過不失但無咁甜會好啲。價錢方面我覺得中價啦 但個牛扒餐真係好抵兩個人食都夠！