錫蘭 (白加士街)

Open Now

Now Closed

平時收工諗唔到食咩既時候都會第一時間諗起公司附近嘅茶餐廳每當諗起佢嘅忌廉粟米汁 就會分泌啲口水想嚟呢一間茶餐廳食有時想食焗豬扒飯嘅時候都會諗起呢間所以呢兩個餐我都係必點嘅出餐時間又快 服務質素同效率都好高尤其是食完之後搭巴士去唔同地方都好方便

咁其實呢就常常都嚟呢度食早餐㗎啦，一個禮拜我諗都有三日或四至五日啦，終於肯寫一寫對呢一間錫蘭茶餐廳嘅評價，冇諗到咁多OK或劣評，不過我也只是一直食這裏的早餐沒有食過午餐或晚餐，早餐佢個沙嗲牛通粉真係10分好味，係用金寶雞湯？定濃湯寶？我冇問但真係好好味咁我不嬲都鍾意食通粉多過麵嘅，咁我一直都係食沙嗲牛通粉，佢啲沙嗲好似係自家製嘅，你食過就會知道，同埋佢係一個好全面嘅早餐，個人覺得一個早餐係要有一個包再加一條腸仔同一個炒蛋再加一碗麵或者通粉同埋一杯嘢飲先至夠完整，大滿足（因為好多都係炒蛋加個包，咁就冇咗條腸仔）同埋個湯好味，真係唔係間間有例如有顏色嘅茶餐廳唔開名啦！咁環境呢，熱天呢就真係有少少烏蠅嘅，但係冷氣都好夠整體嚟講都OK

在佐敦的白加士街，我停車後來到「錫蘭」用餐，選擇了中式晚餐，價錢為 $83。餐點包括蟹肉蛋白扒西蘭花，搭配中湯和白飯，還加了 $3 的凍檸茶，最終帳單是 $86。整體來說，餐點的質素還算可以，但白飯卻是這頓餐的最大失敗。米飯不但硬，而且不夠熱，吃下去讓人感覺非常不舒服，實在讓人無法接受。這樣的米飯，真是對整體餐品的一大扣分。蟹肉蛋白扒西蘭花的味道還算不錯，鮮嫩的蟹肉與清脆的西蘭花搭配得當，湯品也有一定水準，給人一種暖心的感覺。凍檸茶則是解膩的好選擇，清新爽口。儘管其他菜式還算可口，但白飯的表現實在令人失望，讓這頓晚餐的體驗大打折扣。希望下次來訪時，他們能改善這個小問題，讓整體用餐體驗更為滿意，否則我可能不會再光顧。

今次叫咗晚餐A同晚餐B~都係跟中湯凍檸茶少冰~是日例湯係涼瓜煲排骨一如呢度平日嘅例湯, okay 呀, 我地會飲曬的~今次因為涼瓜嘅關係有少少回甘~叉燒韭黃炒蛋份量真係幾多架, 食極都仲有咁~而且味道都好正路, 叉燒質量都唔錯, 唔肥 而且軟腍的; 韭黃雞蛋睇出嘅多 實夠食, 生熟程度啱啱好。咖喱牛腩煲中規中矩, 肉唔入味, 微微香辣, 入得口 平時食都無咩問題嘅~ 好嘅係, 佢配菜一向都算多, 而且質量都 okay 架~ 呢個菜式, 送飯可以吖~

今日路經附近工作，奶茶癮起，見到就腳有間月用茶茶為名嘅茶餐廳，就入去試試。餐廳員工全無招呼可言，將客當貨物一樣安置到一個位置就算了。放低吉杯一個，繼續圍住喺度吹水👍🏻食物都算快送到檯面上，整體質素一般。沙爹牛肉偏甜，麵湯偏淡，公仔麵overcook🫠炒蛋、餐包、腸仔，正常發揮👌🏻奶茶夠熱，但茶底偏淡，亦飲唔到有奶嘅香味，若然為咗間餐廳名稱而打算入嚟嘆一杯靚奶茶，恐怕要失望了。 這個亦是我打這篇食評的主要原因。總結：質素非常一般，不試也可

今日太肚餓，求其見到依間餐廳就入左去食，侍應服務一般，但味道勁差，我叫特餐C,瑞士汁雞翼撈面，個雞翼無味好似白「洽」咁，個麵仲衰乾崢崢到呢，又無味，我都唔知自己食緊咩？好肚餓都無食灑碗麵，害我浪費食物和錢，個多士又整到燶到似黑碳，炒蛋同火腿細到兩淡就搞掂，細到呢好似比多少少你會蝕底，真係好唔掂間野！唯一係杯熱菜蜜飲得落口！很抱歉餓得制，無影相為證，只能描述食後既感受😮‍💨我本來打算叫焗飯，但肚餓得制等唔切，估唔到連基本撈麵都可以整到咁，我肯定唔會再有下次！

叫了個魚蛋麵，心想應該是比較安全見加$10 有嘢飲，因為好口渴。點知女侍應講三次話要加$10，真心覺得係米唔想我叫。最中伏原來是魚蛋麵，D魚蛋嗅。魚蛋出事，麵都出事。梘水麵- 但D麵一上枱已淋到發脹。但因為和朋友食，驚掃慶冇出聲。友人見我完全唔掂D魚蛋，一聞真係嗅 ，好心同女侍應講，點知阿姐話我中午先食完都冇嗅，呢D魚腥味。中午唔嗅唔代表晚上唔嗅你食個碗唔嗅都唔代表我個碗唔嗅🤮🤮🤮P.S. 朋友食嘅瑞士汁雞翼麵，完全無味。

4點入去食下午茶，坐低叫野食，中年女服務員態度已經好惡劣，之後放低2個水杯粗暴到以為個杯要爛。到野食黎左，放低左個瑞士雞翼公仔麵，2秒之後轉頭番黎話要拎番比左第二台先，見我已經叉左落去先收手。想問放完一碟無黎錯嘅野食可以問個客人拎番？感覺好不良好，其他侍應無問題，瑞士雞翼算入味，希望正視下員工態度🙏🏻

意外驚喜年底外出買年貨，第一程去完永安，要食飽至再去裕華，一路求其搵一間餐廳食飽就算。行過哩間睇到都幾光猛同有卡位，咪入去坐低。午餐餐牌幾樣野$58到62，哩區價錢差不多啦！叫左一個午餐同一個散餐，主要怕午餐吾夠食。上菜起碼分量系大驚喜，分量十二足，最後未食都打包一盒做下午茶。雪菜雞絲炆米($58)5分-分量真系非常夠-如果用平時早餐食過咁多間茶餐廳比較    — 雞絲其實系幾塊,基本一塊已經有早餐一碗的肉絲分量，哩度系超多雞，都算系滑    — 雪菜分量亦多，當然主要味道系吾會其他茶餐廳咁死鹹，系帶甜。   —炆米亦炆得幾入味，系米粉粗左小小。鮮茄牛脷意粉 ($65)4分－ 除了番茄，仲有洋蔥，西蘭花，紅蘿蔔仔，加埋一起調一個酸甜汁，難得有咁認真啊！—厚牛脷都有4大塊啊，又可以留一塊做下午茶，哈哈。牛脷咬口吾會太”琳”,牛脷味都幾夠。—意粉就比較al dente就只有70分啦，同時亦系普通茶餐廳用開比較粗的意大利粉，可以考慮改下。例湯都足料咖，有粟米，蘿蔔，大大舊排骨，好濃好甜。最後當然有正正常常的檸檬水。 哩個價錢哩個質數哩個分量，吾比高分都吾得。

服務態度十分之差，我叫一杯凍奶茶少甜，咁我覺得一個甜味太少，要求加多少少甜，即刻俾個Waiter以幾差的態度回應。而且叫了一個常餐，味道十分之差，而且蛋同埋炒蛋火腿份量非常之少。

話說11點幾鐘想入去食啲嘢，阿姐話無位叫我去出面等，無問題見出面無人我就等吓！到有人出嚟諗住佢執完枱會安排入坐啦，等多陣都ok!直到有個阿叔入咗去坐咗個位，我跟住入去已經無位。即時問番個阿姐 佢話做緊嘢睇唔到喎。跟住再大大聲同我講「宜家有位你坐唔坐呀！」坐 你想我幫襯都難啦！

這家餐廳讓我有些失望。雖然菜單上的選擇還算多樣化，但是食物味道一般，沒有什麼特別的亮點。而且，當我們坐下來還沒有開始看餐牌侍應就迫不及待地要下單，顯得有些急躁，讓我們有種被趕著用餐的感覺。更令人不快的是，我們還未用餐完畢，他們就趕著收了兩杯完全未喝過的水，不太顧及我們的用餐體驗。最讓我感到不便的是，這家餐廳完全不接受任何電子支付。當我詢問店員是否只接受現金或八達通時，店員完全沒有反應，令我覺得不被尊重。總體而言，這家餐廳的食物和服務都只能算是一般般，在這樣的價格下，對我來說並不值得。如果周圍還有其他選擇，我建議還是到其他地方去尋找。

今日同媽咪去佐敦永安買野行完之後一路直去尖沙咀方向途經見肚餓就入咗呢間茶餐廳食野可能下午茶時段，店內坐無虛席得返兩張面牆位揀，就揀咗有窗果邊坐底呢度坐位間局特地幾張枱間為二人而枱與枱之間比較近，坐得冇咁自在-我哋睇過餐牌媽咪話要試下呢度杯奶茶係咪如店名一樣😂午餐肉炒蛋三文治估唔到都幾大份，炒蛋好厚食落嫩滑而蛋味濃郁如果加烘底應該會更好味奶茶茶底唔錯，茶味香而不會過濃，可惜奶比例略多瑞士雞翼撈公仔麵雞翼都尚算入味，公仔麵就唔得完全唔入味而且碗底有少少水，估計麵冇整乾水就撈咁一定唔入味整體餐廳環境不太整潔，座位同枱面都有食物碎食物味道一般，價錢略高

情人節晚度度都冇位，於是隨便入左呢間餐廳試下。坐位唔窄，環境一般。鐵板美國西冷牛扒 $110份量唔算細，鐵板咋咋聲，係不及傳統扒房咁有風味，但口感味道都對得住價錢。麻辣魚柳蝦球炒麵 $75麻辣好惹味，因為乾炒嘅關係，辣味冇想像中咁辣，比譚仔5小辣弱。炒麵係脆底兩面黃，香脆可口。

🥢特餐 - 香滑炒蛋配牛油丹麥多士 （跟餐）✨可以轉煎蛋，但侍應話得一隻，👷🏻‍♀️細孖就要炒蛋🥚蛋味濃郁，如果煮生少少會嫩滑D✨多士係茶仔比較少見既丹麥多士，搽埋牛油🧈好鬼香，咁好食既野就當然會油膩同高卡路里啦♨️👭🏻孖妹評分：🌕🌕🌕🌕🌗🥢 板燒豬扒湯烏冬💰55✨豬扒足一塊，餐廳連埋骨上證明係真係豬扒😂而且幾大塊，肉質算鬆軟唔會過腍✨烏冬係稻庭烏冬‼️唔係雜貨店/超市$2.5 個d幾驚喜，👭🏻孖妹可能浸湯耐左遲左食，烏冬有少少腍✨餐廳加左🌶喺面裝飾，即刻成碗粉colourful 左好多👭🏻孖妹評分：🌕🌕🌕🌕🌗🥢 晚餐 - 滑蛋炒牛肉 💰78✨對比特餐既炒蛋，炒蛋顏色橙色多D🔸蛋黃比較靚或者特餐炒蛋加左蛋粉/奶去炒，鹹度適中，加入韮黃提升味道✨牛肉都幾多塊，算幾滑唔unn 👭🏻孖妹評分：🌕🌕🌕🌕🌘🥢 風沙芝麻蒜香骨 💰86✨有成10舊，上菜覺得幾香，味道偏鹹，鍾意清淡既朋友仔就未必啱啦，👭🏻孖妹覺得相對幾餸到飯😄芝麻都幾多👭🏻孖妹評分：🌕🌕🌕🌑🌑🔸🔹🔸🔹🔸🔹🔸🔹🔸🔹🔸🔹🔸🔹🔸🔹✍🏻總評：👭🏻推薦指數：⭐️⭐️⭐️⭐️👭🏻回頭指數：🌸🌸🌸🌸👭🏻環境評分：🌈🌈🌈🌈👭🏻服務評分：🍀🍀🍀🔸🔹🔸🔹🔸🔹🔸🔹🔸🔹