YATA Gudetama Café by Izumi Curry (Closed)

雖然個人本身唔係蛋黃哥既fans, 但覺得幾得意，所以同朋友專程黎朝聖下!好在等左半個鐘就入坐，見多數都係一家大細帶埋小朋友，好溫馨!位處一田入口既位置，蛋黃哥為主題既cafe以黃色做背景，四周都有懶洋洋既蛋黃哥，卡位仲有佢造型既cushion (有d已經俾人攬再烏糟左)，連張櫈都係蛋形，cute菜式選擇不多，主菜以咖哩飯為主，同朋友share 叫左個奄列吉列豬扒咖喱飯同溫泉蛋煙肉沙律。沙律份量較少，溫泉蛋同芝麻醬混合既沙律好味咖喱飯賣相有少少失望眼同嘴既位置貼左去後面既，黎得呢度，梗係影下相架喇!點解唔整好少少?豬扒ok, 咖喱唔辣，奄列鋪面既蛋都滑滑地既，但內面只係白飯就好普通啦!呢d主題cafe既食物預左唔會好好味，但亦未至太差既，價錢偏貴，但以影相為主都算係咁喇!