刈Bao台式創意小食 (Closed)

尼到葵廣，當然要掃街啦！去到3樓盡入去，見到呢間連名都唔識讀的小店，就即管一試！第一次試㕶知揀乜好？聽店主推薦，就試左好幾款。因為即叫即炸，都等左10分鐘到，終於有啦！炸雞：雞肉炸得外皮鬆脆，而內裡相當嫩口，非常不錯。而我更欣賞佢ge果調味惹味之餘，唔會好似其他炸雞鋪咁超級咸！炸紫薯波：口感QQ彈牙，甜甜地，正好同咸口炸雞打個和，非常好的配合！炸金菇：金菇一小條一小條咁炸，加上孜然粉+炸漿，基本上係完全食唔到金菇的！不推薦試。主角刈包：一款係麻辣肉碎，一款係腩肉。兩款味道非常好，但份量細，而且一口咬落去d肉/菜吱哂出尼，食落都有d麻煩。✔️ 總括而言：以煎炸小食算炸得不過不失，口感不會過油。