Video
Read full review
2009-07-02
11 views
有朋友介紹話呢間野唔錯, 所以我地一行六個人一齊去試下.呢間野既刺身, 壽司都唔錯, 但可能我地太早叫揚物, 所以食到個 MOOD 都有 D 變左.我後來睇人地既食評話有一碗碗既魚籽叫, 但我無留意到, 走寶...但佢個魚籽 SUSHI 幾好味 , 同埋我幾鐘意佢個巨帶子壽司, 好有口感, 但鮮味一般, 口感重者會喜歡; 我個人覺得佢 D 刺身應該可以再厚切多少少, 真係幾細塊同幾薄下...有幾樣既刺身都食到鮮味, 唔錯. 但感覺上如果有海膽既話, 應該會仲正 我地真係叫左太多揚物, 好彩我都係試味一兩舊, 唔係一定食唔到之後叫既 ITEM. 我 D FRIEND 叫左天婦羅蝦, 炸蠔, 炸蕃薯, 炸薯餅, 仲有好多唔記得炸乜野...可能我食日本野對揚物無乜好感, 所以不予置評, 但我聽我 FRIEND 講個蝦麻麻.我見到佢個 MENU 有 D 平時我好少見既 ITEM (可能我食得少放題 ), 例如納豆, 牛膀沙律等等.我地無乜食佢地既粥面飯...無錯, 佢地呢到有粥的, 幾特別喎, 不過都係無試 XD, 但我地試叫左個凍烏冬, 感覺上麻麻, 面身幾硬, 應該唔係手打的, 仲要個凍
呢間野既刺身, 壽司都唔錯, 但可能我地太早叫揚物, 所以食到個 MOOD 都有 D 變左.
我後來睇人地既食評話有一碗碗既魚籽叫, 但我無留意到, 走寶...但佢個魚籽 SUSHI 幾好味 , 同埋我幾鐘意佢個巨帶子壽司, 好有口感, 但鮮味一般, 口感重者會喜歡; 我個人覺得佢 D 刺身應該可以再厚切多少少, 真係幾細塊同幾薄下...有幾樣既刺身都食到鮮味, 唔錯. 但感覺上如果有海膽既話, 應該會仲正
我地真係叫左太多揚物, 好彩我都係試味一兩舊, 唔係一定食唔到之後叫既 ITEM. 我 D FRIEND 叫左天婦羅蝦, 炸蠔, 炸蕃薯, 炸薯餅, 仲有好多唔記得炸乜野...可能我食日本野對揚物無乜好感, 所以不予置評, 但我聽我 FRIEND 講個蝦麻麻.
我見到佢個 MENU 有 D 平時我好少見既 ITEM (可能我食得少放題 ), 例如納豆, 牛膀沙律等等.
我地無乜食佢地既粥面飯...無錯, 佢地呢到有粥的, 幾特別喎, 不過都係無試 XD, 但我地試叫左個凍烏冬, 感覺上麻麻, 面身幾硬, 應該唔係手打的, 仲要個凍撈湯係怪怪的 ; 聽講蒸蛋係好好味, 我地每人都叫左一個, 我自己感覺一般.
我唔知點解有幾個 FRIEND 開頭睇個 MENU 時都睇錯左佢地個雞肝做鵝肝, 味道就一般, 凍食的, 感覺怪怪; 有 D 內臟串燒都比較硬, 同埋上菜後都比較凍...我唔係幾滿意 ; 佢有個燒元貝, 口感唔實正, 軟軟的, 唔係咁新鮮, 味道又係一般...燒鯖魚都係普通, 我 D FRIEND 仲有叫個燒三文魚腩, 由於我對熟三文魚既味道反感, 所以我無試, 但我 FRIEND 話好好味, 佢地翻叫左多一份.
有一個好經典, 我記得佢個 MENU 入面有一個豆腐係乜野手製定自家豆腐, 但黎到後, 眼厲既朋友們一睇就知係百褔, 我地都無乜為意, 但我食食下, 睇到有一舊豆腐個底係真係有豆腐盒既果個模既坑印...哈哈
呢到令我地最吃驚既係, 呢到大部份既野都好咸, 可能佢想吹谷人地叫野飲, 又或姐添飲佢地既汽水 (汽水添飲要加 $7/GLASS)...但最無耐既就係佢地既汽水, 唔係罐裝既不突只, 仲要係嚴重稀釋的汽水 (同食物既味道比例岡岡相反, 食物係超咸, 汽水係超淡 XD)...我有個 FRIEND 叫左七喜定雪碧, 飲落好似飲冰水咁...哈哈, 建議大家飲完佢附贈一杯既汽水後, 飲冰水算 XD, 不過可能好多人去到食日本野都會飲 SAKE / 酒吧, 如果唔飲汽水既可以唔駛理頭先講既呢段~
不過佢呢到最值得讚既係佢地既裝修, 幾 GRAND 幾有 FEEL, 又唔會好多人, 都幾清幽; 但有一個缺點, 就係冷氣唔夠大, 同埋 D 射燈好熱...建議去食既人唔好坐係射燈下面...
總括來講, 價錢有點貴, 食物的質量不值呢個價錢; 汽水更甚, 比金鳳更 GIMMICK 的汽水 XD
OVERALL 星星 : ★★★☆☆
Post