辣蟹莊 (Moved) New Location

第一次上來試海鮮蒸氣鍋，訂左枱唔洗等，間野雖然在工業大廈但都幾滿座。叫左2個＄188＋2個$228 Set。$228 Set有少少唔同，多左蟶子王同小籠包。海鮮－有鮑魚仔，蝦，龍蝦，扇貝，白沙貝，珍珠貝，蟶子王。海蝦仲跳跳紮，龍蝦算大隻，鮑魚仔都幾鮮甜。丸類就好一般，味道麻麻－ 有豬肉丸，蝦丸，墨魚丸。其實蒸熟既點心都唔錯，最正係個南瓜排骨粥，超鮮甜，食完個人好暖好舒服～之後仲有木瓜糖水，冬天食夠滋潤。整體不錯，可以改善係個鍋唔夠熱，侍應又沒有一開始幫我地調較溫度，所以每樣食物都比預定時間蒸得更耐。