金叔叔

Open Now

Now Closed

呢度好似food court咁有好多間餐廳，可以買咗嘢食隨便搵個位就坐，人唔算好多，見呢間新開就去試吓，成間餐廳都係黄黚黚，叫咗個板燒牛肉石鍋飯，貌相幾好👍，加埋啲辣醬再同個蛋撈埋一齊，都幾好食，個牛骨湯都大大碗，牛骨味幾濃幾好飲，入邊都幾多牛肉，又唔會好韌。之後炸雞係蜜糖芥末，佢仲有好多其他口味，估唔到份量都幾多，兩個人都食唔晒，不過我就嫌佢啲物質醬唔算多，食落少少乾。最後係炸魷魚，大大條，但覺得味道普通。佢啲飲品幾有特色嘅，係啲韓式。整體嚟講不過不失，以佢嘅份量同價錢算係幾抵食。