Food Combo (Closed)

叫左豬肋骨同細西班牙海鮮焗飯肉桂燒汁豬肋骨 $168薯條份量都算多，但係就林咗啲，配埋有三款醬汁，醬汁都係比較偏甜。豬肋骨方面，都算大條，不過骨頭嘅份量佔一半有多，肉質都夠林，但係燒汁就比較甜，同埋食唔到肉桂味，加上本身都冇乜肉味，加埋個燒汁就被佢嘅甜味冚過啲肉味。不過都算對得住呢一個價錢，只係比較偏甜同少肉味，但係肉質都夠林同埋兩個人都夠食嘅。西班牙海鮮焗飯 $148148係一人份量嘅海鮮焗飯，但係就感覺唔到係西班牙風味，因為佢個飯底竟然係葡國雞飯嗰種汁嚟整嘅，雖然係用鐵pan上菜，但係冇乜焗飯嘅感覺，而且雖然上邊睇落好似有好多海鮮，不過其實係因為佢成個飯都唔係太大碟，個鐵pan都係一個手掌大d，海鮮冇乜雪味，但係亦都冇乜味道。我覺得以呢個價錢來講食一個海鮮葡汁飯有啲貴，唔太值呢個價錢。服務方面，中規中矩，都係拎食物上枱同埋臨尾執枱，唔會同客人有咩特別交流，反而係水杯有塵，飲之前最好用佢俾個杯熱水朗一朗啲水杯先。環境裝修都唔算迫嘅，都係普通餐廳嘅裝修。整體而言兩個人埋單三百零蚊份量都算做OK，個豬肋骨算係對得住呢個價錢，但係個西班牙海鮮飯就唔太值喇。