紅茶冰室 (Closed)

紅茶畀我感覺係茶餐廳得黎又會有特別野食既地方，多人食到係後面街都開左分店。。。今次叫左個肉眼排蜂蜜芥末汁，跟蜆湯，飲熱檸水。賣相確實係非常唔錯既，有一塊半，份量都多，而且係焗薯，幾有誠意，健康 d 不過個牛排就勁多筋，好難咬，好似有少少過熟咁。個湯就幾 creamy 都 ok 既。而個飲品我就一啖都無飲了，因為杯邊全部都係白點既粉，而且手柄都係笠到不得之了，所以最後我自然就唔想飲啦。價錢唔貴，性價比都 ok 綜合衛生程度，美味程度，畀個 Ok 啦。。