紫荊閣海鮮酒家 (Closed)

跟住何文田的學生補完習，她媽媽好客氣話請我飲茶，我已推卻，但也硬給她扯來。午市唔好多人，可能因為住呢度附近o既人唔鍾意飲茶，開了茶後，除了可以剔點心紙外，還有大排檔可自取美食，點了些最基本的點心如︰燒賣、蝦餃、煎腸粉、春風得意腸、較特別的是鳳眼餃和冬菇釀蝦膠，另外要了一個揚州窩麵。老實說，味道真平平，唔可以叫唔好食，但又唔可以話好食，欣賞春風得意腸，裹著的春卷還脆卜卜的，個揚州窩麵都不俗。這兒環境頗吵，可能是樓底過矮的關係，而且地方淺窄，若不擺大排檔會更舒服，起碼沒有煎r野那陣油煙味。