18巷泰國餐廳 (Closed)

今晚要係CWB食晚餐, 真係諗唔到食咩好, 隨手係OPENRICE度搵, 見到呢間THAI菜都唔錯, 就黎試下, 食完覺得一般般, 有點貴, 環境比較黑之餘仲好嘈, 但服務算幾好, 我地最後坐到打洋, 好似有小小阻住佢地做清潔收工, 但佢地都好好態度!!!我地叫左個拼盤，有好多小食款, 有蝦餅春卷豬頸肉….每樣都幾件, 有3款醬可以點, 好好味, 好值得推薦既前菜!!!仲有我地每次食親泰國野都一定要叫既生蝦, 好新鮮, 個醬又夠辣!!好正!!!另外再叫左條酸辡魚, 賣相好, 但唔算大條, 味道麻麻, 好酸而且冇咩肉, 入面D配菜都係奇奇怪怪, 不值一試。最後再點左個通菜, 都係冇咩特別, 唔難食但又唔係好食，馬拉盞味不夠!!!甜品叫左個芒果糯米飯, 糯米飯有2款, 普通白色同紫米, 湯丸咁細, 一啖仔, 芒果算甜, 整體還可以, 但同泰國比較, 價錢同質數都唔係好掂!!!!唔會因為佢既味道而光顧第二次。