丼丼屋 (荷里活廣場)

Open Now

Now Closed

為咗避過人潮，所以早少少去食，唔駛排隊就入得。Menu 啲相好靚，諗咗好耐，終於決定要滑蛋豬扒丼，滿心期待，等等等等等等.......超過半個鐘都未見影，落單時又冇講話要等幾耐，隔離枱遲15分鐘嚟，嘢食晨早到齊，於是就同waitress 姐姐講，跟住個飯即到。個滑蛋飯真心好食，100%滑蛋，配埋個飯好正，唔係出面食嗰種好似漿糊嘅物體；但塊豬扒真係......只能說係天與地，層皮炸得麻麻地，加上吸晒滑蛋嘅水份，唔夠香脆；入面就冇乜味，冇豬扒應有嘅質感，好似食緊雪藏豬。Overall 只能說不過不失，除非忽然想食滑蛋飯，如果唔係唔會專登去食。