Cafe 360 (Closed)

本身對甜品不是太瘋狂，所以自然對之要求更加高。屯門市廣場食肆不少，但甜品選擇卻未見太多。今日經過見到這間新店，好奇心驅使入去一嚐究竟。店舖裝修不錯，因為公眾假期所以被安排坐在入口的梳法位。等候時間都好快，大概10分鐘就有位。八卦行入小小見到裡面間隔幾好，近窗位應該最開揚。菜單選擇並不太多，但係絕對夠，有時太多選擇反而未必好（會觸發選擇困難症）。所以好快直接有針對性地叫咗雪糕窩夫同烤棉花糖。雪糕窩夫先上，雪糕同士多啤梨肯定無問題，但係窩夫就並無太大驚喜，雖然留意到師傅很細心地將烤邊掛走，不過個人認為太霖身。之後發覺原來窩夫一早整好，應該係驚人太多整唔切，但會唔會係因為咁而擺得太耐呢? 甜品始終最新鮮個陣最好味嘛! 之後上埋烤棉花糖，就真係夠熱辣辣! 本身用鐵pan做，然後底層有朱古力碎（有oreo味），上層十幾粒棉花糖烤到面頭金黃，內裡流心，認真好邪惡!!! 烤棉花糖以前自己都會整，雖然不是什麼技術高超的食物，但係勝在所有嘢都結合得好好，所以好滿足。不過始終好甜，建議不太好糖人士要小心選擇。整體來講都非常不錯，環境服務亦都滿意。見到熱食嘢賣相都幾好，可能下次再來一試。題外話: 見到甜品師