京都

Open Now

Now Closed

今晚想食日本野，但石門有咩選擇呢？諗起呢間餐廳，未食過，於是決定試下。喺門口見到有單件壽司餐牌，散叫麵飯之類。坐低侍應放低午市定食餐牌，就問佢有冇晚市定食，原來午市同晚餐時段都適用。我叫左個豬軟骨烏冬定食，呢個定食有埋加州卷同埋螺肉，其實都抵食嘅，因為只需要＄58。不過就要收加一。明明套餐張相係有跟湯，但上枱時就冇，我見隔離枱係要問佢佢先會俾你嘅。因為今日唔夠肚餓就冇嗌到其他壽司或者刺身，仲有好多款小食，可以留返下一次。