正品蕃茄湯麵店

Open Now

Now Closed

有朋友好鍾意食蕃茄麵， 嗰日大家見過面之後就一齊去呢間 "正品蕃茄湯麵店" 食碗麵。我叫咗個墨魚餅黑胡椒蕃茄湯麵，墨魚餅有兩大塊，煎得唔係好香，食落去口感比較淋又冇乜墨魚味，麵係紅色話係用蕃茄做成嘅麵，食落去味道甜甜地都幾特別，黑胡椒蕃茄湯，味道係好香蕃茄味，但係絕對唔係龍郁好杰身嗰種，呢個蕃茄湯嘅味道就好浮於表面化，味道偏向中式 ( 其實我冇考究過蕃茄湯麵係邊個國家嘅 )， 湯有幾片洋蔥，我覺得可有可無， 個蕃茄湯都有黑椒味，但係又未到重味果隻。飲品我叫咗凍菜蜜，都調得唔錯。