慢煮屋 (Moved) New Location

今日約咗朋友去觀塘食午餐，朋友介紹食呢一間，位置係觀塘一座工業大廈裏面11樓，哩度裝修簡單，座位唔係好多，座位坐得唔係太舒服，但係好整潔。我哋分別叫咗兩個套餐， 我朋友叫咗個燒牛肉冷蕎麥麵，配溫泉蛋。我叫咗個銀雪魚西京燒定食， 燒牛肉比較好啲，燒到剛剛好，肉質好淋。西京燒銀鱈魚就麻麻地， 感覺唔到係燒嘅， 好似係用汁煮熟佢嘅感覺。飲品比較少，大部分都係膠樽裝嘅飲品，冇其他特色啲嘅飲品，奶茶咖啡都冇。收費午餐88蚊都唔平㗎。但可以再做好啲。