海雲天

Open Now

Now Closed

近期見到有個買一送一優惠，即刻試試呢個7道菜晚餐。頭盤小菜有叉燒、青瓜同麵麩，賣相唔多好所以無影相，但味道係唔錯嘅蟹肉燕窩羹好鮮，雖然食唔出燕窩，但蟹味好出，唔錯。呢個蟹肉蒸蛋白非常好食，蛋白好滑，而且蛋味好重，蟹肉嘅鮮同蛋白味好夾！外面脆口，入面係滿滿嘅蟹肉，芝士味唔會太重，加埋少少蘑菇，主要食到蟹味，呢個都幾好食。呢個胡椒蟹我覺得一般，醬汁味道太重，又好油，雖然都仲食得出蟹肉好甜，但食第二舊已經覺得太膩。灌湯餃味道唔錯，入面包咗蟹肉同冬菇，食到蟹嘅鮮味，冬菇嘅香味，但隻餃未夾已經散咗。聞落已經覺得好重花雕酒味，食落花雕重過蟹味好多，而且伊麪太爛，呢道菜一般。最後一道係甜品，蛋白杏仁茶，不過唔記得咗影相 幾好味嘅，唔會太甜，清一清口中嘅蟹味。整體黎講食物質素中上，唔算好精緻，人頭$400略貴，如果係原價$700幾一位，食完應該會幾嬲下。