鳳鳴居

Open Now

Now Closed

是日嚟到上水大名鼎鼎嘅鳳鳴居搵食，佢果醉雞實在好出名，因為食平日午餐，一行四人唔洗等好耐就入得。睇完餐牌，諗都唔諗即點左醉香雞米線，小食揀咗黃金魚皮同辣豉油爽脆鵝腸。先講小食辣豉油爽脆鵝腸，啲鵝腸白烚，唔會烚過籠，夠爽脆，但因為鵝腸本身冇咩味，果辣豉油唔多夠味，搞到有啲鵝腸食落冇咩味。果黃金魚皮夠哂邪惡惹味，件件魚皮都夠哂脆同香口，啲黃金掛哂每個位，塊塊都有，好好味。去到主角醉香雞湯麵，我揀左米線，一嚟即試啖湯先，有啲失望冇諗嘅濃同埋酒味濃多少少會再正啲。啲雞件朋友有提過因為會同啲湯一齊煲，所以食落會鞋口啲，果然真係鞋口啲，唔夠滑。其實唔係好差，但可能期望高左，所以食落冇預期好，先會失望左。