越之味 (新都城中心) (Closed)

呢間小店其實係有意料之外嘅水準，通常食開一般越南餐廳小店， 啲湯粉嘅份量都好似食唔到咁， 除非唔係特別肚餓，否則唔會太多， 而且味道唔會令人覺得有傳統越南湯粉嘅感覺。 呢間小店除咗個份量足夠外，湯底嘅味道幾好，而且價錢亦都唔貴， 個人覺得性價比甚高。 會安雞絲湯金邊粉$68雞絲份量足夠而且嫩口，金邊粉份量亦唔少，絕對冇呃秤嘅感覺，湯底好味。 慢煮牛肉湯河$68 通常喺越南餐廳叫生牛肉湯河，可能我孤陋寡聞，第一次喺越南餐廳食慢煮牛肉湯河粉， 牛肉好淋好鮮味， 而且亦唔會太薄到好似生牛肉咁， 河粉充足， 湯底亦好味， 唯一係芽菜同金不換不夠多， 只有少量芽菜同兩小片金不換， 不過呢啲係比較個人喜好，如果有多啲個人會覺得更加好味。招牌法包 $36招牌法包嘅餡主要係豬肉片為主，雖然裏面夾咗少少蔬菜， 但係都感覺比較乾身， 麵包軟硬度適中， 反而覺得呢個招牌法包就冇乜特別。