京滬村 (Closed)

經過呢間門口，見佢有啲套餐 好似幾好食 又好想食上海嘢 於是我做朋友就入咗去坐。坐低再攞menu睇下發現有好多唔同類型嘅菜式 ，眼花繚亂，小點嘅 小食好似係蘿蔔酥，包點嗰啲又有… 傳統上海菜式好似係，蛋白賽螃蟹，小籠包等等都有！ 我同朋友最後叫咗三個茶式，三個都幾好味～第一道叫雲吞擔擔麵，佢個湯底做得好正宗，好濃沃嘅花生味，配嗰個麵同雲吞都幾夾 配搭得幾好，鹹度適中，花生味又好香第二道我哋叫咗石頭鍋蟹膏蛋炒飯，上枱時候連埋個石頭鍋一齊上，熱辣辣嘅， 滋滋聲好有風味～入口食落嘅時候發現個炒飯鑊氣好夠，又好乾身，味道唔錯，因為蟹膏同蛋炒飯嘅配合好好， 唔會覺得膩 仲因為我哋冇食過螞蟻上樹，於是就點咗呢個菜式試下發現佢嘅份量好最好大碟，而且調味方面用咗辣椒同肉碎炒，成個菜式都好惹味，我同朋友都好鐘意，最後仲食曬添… 食物分量質素都唔錯，鍾意食上海菜嘅應該去試下。 但係佢嘅環境就一般啲，冷氣略嫌差少少，令到我同朋友食緊嘅時候覺得有啲熱同埋焗。 整體嚟講呢間都算唔錯