匠心廚房 (Closed)

類近尖沙咀地鐵站既中菜館，環境寬敞舒適，好乾淨，亦唔會好嘈吵。一班人傾下計係唔錯選擇。脆皮牛坑腩牛坑腩好厚身，肉質鬆軟，牛肉濃郁。而外層就炸到好脆身。點埋個酸甜醬汁更好味。特色砂鍋啫時蔬用砂鍋上保持熱辣辣，真係有聲架。芥蘭連同蔥、薑、蒜、豉椒同肉碎一併炒，帶點微辣，送飯一流。黃金脆豆腐份量好多呀，炸到金黃，外脆內軟。不過凍得比較快，要快啲食。個人覺得外層再多少少調味會更完美🤭霧蝦蚝仔泡飯（加脆米）蠔仔份量都唔少，加上肉碎、菜心粒、冬瓜粒，加上蝦毛仔同蔥花，湯底清甜味道不錯。重點係個脆米🤩雖然要加$30，但真係要加！勁香脆，加落湯飯度一齊食完全昇華左🙌🏻