元味壽司刺身專門店

Open Now

Now Closed

住咗喺灣仔好多年嘅朋友推介呢一間小店，話喺街坊之間呢間舖頭都非常出名，雖然餐廳細細，但好好食，所以我就入咗去試一試。裏面舖頭非常細只有五個座位，坐得唔算係好舒服。呢度叫壽司就好似食omakase，壽司係即叫即做，師傅會即刻握比你。佢啲飯其實握非常唔錯都幾實、幾有口感㗎。不過魚生就一般般啦，不過睇返佢嘅價錢其實性價比已經非常之高啦。入面最好食應該係個軍艦，味道係幾特別嘅，佢似乎係辣味三文魚。夜啲魚生其實食落都算係新鮮嘅，雖然舖頭望落好似衛生情況麻麻，但食完冇肚痛。最後我好大頭蝦咁喺舖頭跌咗幾百蚊，然後我一行出門口，裏面嘅師傅即刻追出嚟俾返幾百蚊我，非常感謝佢。呢間舖頭，我見好多街坊都會嚟幫襯買外賣，以呢個價錢來講，口痕嘅時候去食都唔錯。