心意屋 (Closed)

禁日上呢個網睇過,北角和富道開左間新野,所以諗住去試下~今日夜晚果餐約埋女朋友一齊黎食,6點幾差唔多7點去到,果陣已經冇乜位,間野都算細間,冇乜佈置,有d迫,門口夠哂光猛坐低望住個餐牌都唔知咩黎好多單字,價錢上貴左小小,就求其叫左兩個湯,一個焗田螺,兩個意粉,一個甜品,食到最尾係食唔哂既一個湯係周打蜆湯,好夠味,鍾意飲忌廉湯既人可以試下,一個係西西里海鮮濃湯,個人比較鍾意飲呢d,因為唔太鍾意飲忌廉湯,好濃既海鮮味,湯入面有蝦有蜆,好似得兩樣=.=''唔太記得啦,焗田螺又係果d啦,不過都幾好食,未食到意粉都已經飽飽地,我點果個好似叫炭燒雞胸配香草忌廉汁扁意粉<---呢個名係諗番果碟意粉有d咩諗出黎,真正果個名唔記得左啦= =''賣相OK,食落都幾好味,我女朋友點左個炭燒帶子配墨魚汁天使面,食落覺得都係忌廉汁- -只不過變左黑色 .....炭燒帶子唔駛講梗係好食啦,至於個面就麻麻地 .....感覺上怪怪地,食完成個嘴都污糟哂=.=''仲要D牙都變黑埋....味道反而唔係太特出由於太飽,最後食淨好多,最期待係甜品,因為係呢度睇過D甜品賣相OK,但係因為太飽同埋趕時間既關係 ....淨