築地日本料理 (結志街) (Closed)

今日同朋友喺中環去食午餐 ，見到有間隱世嘅日本野食。 二話不說立刻衝咗入去食。 入面裝修簡潔企理 ，裏面掛咗好多日本海報CP值高及幾有特色，而且坐得都舒適，咁我地叫左以下食品：咁佢餐前都會有個麵豉湯餸，咁我覺得個麵豉湯都幾好飲，起碼都算係己足料，唔係得啖湯。蒸水蛋亦都幾好食，因為蛋滑之餘入面都有其他材料去配襯， 感覺呢個前菜都幾唔錯 同有新鮮感。江戶前冷拉麵定食: 咁呢個冷拉麵係朋友order嘅，入面有半熟蛋、玉子、青瓜同蝦， 咁其實呢個拉麵我覺得都幾清新，而且 佢拉麵因為凍凍地，所以麵底我覺得都幾煙煙靭靭之餘亦都爽口， 湯底雖然係凍嘅，湯但係個汁我覺得都幾夾成個冷麵， 所以夏天食冷麵我覺得真係幾消暑。火炙壽司八件定食包個冷烏冬，壽司有三文魚、赤海蝦、玉子及鰻魚。 壽司方面我幾鍾意食三文魚因為呢啲都係香港人嘅至愛而且最緊要係新鮮， 而赤海蝦我覺得亦都幾甜味所以我自己就較為鍾意食三文魚同海蝦 另外佢個冷烏冬 我覺得亦都唔錯.因為冷烏冬都爽口彈牙， 所以我幾鍾意呢啲食壽司亦都食烏冬呢啲配搭。最後如果大家經開中環呢一頭，大家可以試下呢間日本餐廳，自己覺得佈置都幾得意幾有特色。