金飯碗餐廳 (Closed)

星期六打工仔最討厭的上班日子，番到去公司無乜嘢做，但係又要番工喎，得兩個字形容，就係痛苦。但係對我嚟講有小小嘅好彩，就係老闆未必一定番工，哈。今早一行四人去金飯碗食個早餐，平時其實都有食開，不過就外賣多，今次就坐低試試。一坐低就問我地要唔要開個茶位(5蚊一個茶位)，我就話好。哈，點知拒開茶位就剩係開我一個，其他人可以唔使硬性規定叫又幾好喎。之後就叫左個北菇滑雞蒸飯，雞有5件，冬菇有一件，飯份量就起碼有一碗半。雞都幾滑，飯蒸得淋，係我愛食嘅軟度。一盅先20蚊，幾好。仲叫左個蒸牛肉，味道同酒樓一樣，size ok。講多個小插曲，兩位同事都叫左粥餐，姐姐攞到嚟話係皮蛋瘦肉粥，但畢極唔見有皮蛋，就叫個姐姐問下，個姐姐態度勁差，話自己無食開粥唔知呢個係乜粥，又問我地想點。隨即第二個姐姐攞碗真皮蛋瘦肉粥嚟，之後問乜事，拒嗰把聲大到想哎交，態度又差，話乜丫，呢碗先係。之後問拒第一碗係乜粥又話唔知唔關拒事。整個情況係想嘈交甘。講真嘢食，價錢係ok嘅，但係d人甘嘅態度，真係好難有下次。