泰越概念 (Closed)

星期日難得可以去到灣仔， 晏晝係會展參觀， 睇完之後差不多到dinner時間。好耐冇食過泰國菜， 即刻心癢癢 想食番餐泰國菜， 好耐冇去銅鑼灣嘅V thai。 一於過去食番餐好嘅。我哋兩個人嗌咗三樣嘢食。我哋嗌咗小食拼盤， 越式春捲、 泰式香辣魚餅🐟、 蒜蓉牛油焗法包🥖、 炭燒豬肉串燒🐷、 酥炸軟殼蟹🦀、 炸香葉香草雞🐥。拼盤分大超多， 最鍾意就係酥炸軟殼蟹， 非常酥脆， 蟹肉有鮮味， 比我想像中好食。紅咖哩牛腩。泰式茄子+ 粟米仔+ 豆角+ 蕃茄🍅 +菠蘿 🍍牛腩🐂。 平時食咖哩牛腩， 我就最唔鍾意食薯仔， 呢個就啱曬我啦， 呢個紅咖哩牛腩係冇薯仔嘅 。仲有我最鍾意嘅菠蘿同埋粟米仔， 清新又健康。芒果蟹肉炒飯芒果蟹肉炒飯就差咗少少， 芒果有點酸， 蟹肉炒飯就變有少少蟹殼。 炒飯爽口 唔油膩。整體嚟講都唔錯幾好食。