綠色素食份子 (Closed)

之前去旅行嘅時候餐餐大魚大肉，今晚好想食啲清清哋嘅素食，就決定去素食分子試吓。餐廳的裝潢不錯，好有家嘅感覺，枱與枱之間嘅距離都好適中，唔會好似其他餐廳咁迫到行都行唔到，環境的確係幾舒適。呢度嘅素食菜式選擇都好多，因為今次係第一次來呢度，所以叫咗個二人套餐，咁我哋就可以試多啲菜式啦！今晚嘅例湯係菜乾湯，碗湯都幾足料，味道都幾清甜。碟口水雞都幾辣，不過都好惹味。黑醋骨酸酸甜甜，都十分之好味。呢度嘅食物整體味道都唔錯，下次來可以試吓其他菜式。