新記茶餐廳

Open Now

Now Closed

經過見到呢間餐廳，就同個朋友入左去試下，呢間係食潮州菜為主。我地就點左幾個小菜，價錢不算太貴，正常大排檔價錢。1)蜜糖骨 (全名唔記得)呢個餸真係好好食，好香口，脆卜卜，味道幾特別，仲要岩岩炸起，熱辣辣 ，必點。2) 啫啫炒菜心呢個餸真係普普通通，比新南苑個d大排檔就比下去， 唔夠惹味 ，但味道嘗可。3) 豬紅韭菜呢個餸都唔差，個汁好夠蒜香味，有d辣，豬紅夠淋入味，唔會似出面個d硬骨骨又冇味。4) 胡椒花甲豬肚湯呢個湯就好普通， 花甲有少少雪藏味，湯不是太濃， 但胡椒味夠重，夠 辣 。5) 蠔仔碎肉粥個粥都係正常味，冇咩特別，但都幾多蠔仔。整體黎講都講都算好味既，特別係個個蜜糖骨，正。