康和懷舊車仔麵 (Closed)

喺佐敦行左一輪唔知食咩好，咁啱經過見門面裝修企理新淨就行左入去。入到去空間闊落，同平時既車仔麵店唔同，枱唔枱之間都算幾鬆動，除左張櫈有少少細之外坐得都幾舒服。環境乾淨，食得安心。食物方面基本上同其他車仔麵店都無乜太大分別，$44三餸一麵加野凍豆漿，就咁睇唔算特別平，不過見倒既時候就覺得抵食，量多味道都好味，雞汁湯底有少少驚喜地濃而不膩，飲一兩啖都唔錯。另外加左$4要個紅薯粉，食落都有有質素有咬口既，可以再食。