阿鴻小吃 (Moved) New Location

原來除咗我之外，有好多人被我帶到來呢一間米之蓮食店食過之後都會讚口不絕，咁其實佢以味道來講就真係幾好嘅，不過價錢是＄65.一個双拼飯來講可能會貴左少少，但係質素搭救。雙拼飯有豬腩肉，豬頸肉，元蹄，墨魚等等10款滷水料可以選擇，其實款式都幾多。必叫的當然係元蹄，墨魚，我嘅最愛。份量夠多，每樣有成十幾件。仲有配菜，配菜就個個唔同，比較常見的係什菜或者長豆。今次想特別介紹嘅就係佢個老火湯，平時老火湯肉差唔多要30幾蚊一碗。通常呢就會有老細埋單我先會叫，哈。但係今日發現佢呢個湯如果跟餐的話加＄16就有，真係幾抵。味道來講，飲起嚟真係唔覺得係味精湯，味道好濃，真係真材實料，有經過好多材料同時間煲，16蚊值得飲。